Լիտվան բողոքի նոտա է հղել ՌԴ-ին

Լիտվան բողոքի նոտա է հղել Վիլնյուսում Ռուսաստանի գործերի ժամանակավոր հավատարմատար Ալեքսանդր Էլկինին՝ Ուկրաինայի վրա Ռուսաստանի կողմից իրականացված հարվածների կապակցությամբ: Այս մասին հայտարարել է Լիտվայի արտաքին գործերի նախարարությունը։
«Լիտվայում Ռուսաստանի դեսպանատան գործերի ժամանակավոր հավատարմատարը կանչվել է Արտաքին գործերի նախարարություն՝ բողոքելու Ռուսաստանի զինված ուժերի կողմից Ուկրաինայի տարածքի շարունակական լայնածավալ հրետակոծության դեմ»,- ասվում է նախարարության հայտարարության մեջ։

Նախարարությունը նաև ընդգծել է, որ Վիլնյուսը շարունակելու է աջակցել Կիևին: Ավելին, Լիտվայի արտաքին գործերի նախարարությունը պահանջել է, որ Ռուսաստանը դադարեցնի Ուկրաինայի տարածքում իրականացվող հարվածները: