Ռուսաստանցիների հետաքրքրությունը դեպի Երևան և Բաքու ուղևորությունների նկատմամբ նվազել է

Ռուսաստանում անցյալ տարվա ամանորյա տոներին ամենատարածված ուղղությունների (Երևան, Բաքու, Փարիզ, Բարսելոնա և Անթալիա) նկատմամբ հետաքրքրությունն այս տարի նվազել է 60-70%-ով:

Ռուսներն այս տարի իրենց տոներն ուզում են անցկացնել Միջերկրական ծովի և Հնդկական օվկիանոսի լողափերում։ Դեկտեմբերի 31-ից մինչև հունվարի 11-ն այս ուղղություններով գնվել է տասն անգամ ավելի շատ տոմս, քան մեկ տարի առաջ։

Ամենատարածված ուղղությունների ցանկը գլխավորել են Եգիպտոսը, Թուրքիան և Թաիլանդը։ Սակայն պահանջարկի ամենամեծ աճը նկատվել է դեպի Չինաստան, Մավրիկիոս և Մալդիվներ։