Ֆիլիպիններում 7,4 մագնիտուդով երկրաշարժից հետո ցունամիի վտանգ կա

818

Ուրբաթ, 10 հոկտեմբերի, 2025 թ., 10:56

Ֆիլիպինների ափերի մոտ տեղի է ունեցել 7.4 մագնիտուդով երկրաշարժ, որը մեծացրել է ցունամիի վտանգը։
ԱՄՆ երկրաբանական ծառայության (USGS) տվյալներով՝ ցնցումների էպիկենտրոնը գտնվել է Դավաո նավահանգստային քաղաքից 144 կիլոմետր հեռավորության վրա՝ 58 կիլոմետր խորությամբ։
Ֆիլիպինների հրաբխագիտության և սեյսմոլոգիայի ինստիտուտի տվյալներով՝ մագնիտուդը կազմել է 7.6։ Ավելի ուշ USGS-ը հայտնել է Պապուա Նոր Գվինեայի ափերի մոտ տեղի ունեցած լրացուցիչ 5.9 և 6.0 մագնիտուդով երկրաշարժերի մասին։
ԱՄՆ Ազգային օվկիանոսային և մթնոլորտային վարչությունը զգուշացրել է Ֆիլիպինների ափերի մոտ մեկից երեք մետր բարձրությամբ ցունամիի ալիքների վտանգի մասին։
Ցունամիի վտանգի մասին հայտարարվել է նաև Ինդոնեզիայի որոշ շրջանների համար։