«Մի օր էլ ասելու են՝ սխալ եք դաստիարակել ձեր տղաներին, որ հանուն հայրենիքի զոհվել են». Վահիդ Սահակյան

«Արսենի կալանավորումը բոլորիս համար էլ սպասելի էր, ամենաակտիվ, ամենադուզը խոսող հերոսի հարազատներից մեկն է եղել»,- Դատախազության դիմաց լրագրողների հետ զրույցում ասել է զոհված զինծառայող Ժորա Սահակյանի հայրը՝ Վահիդ Սահակյանը: Նա ընդգծել է, որ սեփական կարծիք արտահայտելու համար մարդկանց ձերբակալում են: «Ես այս պահին իմ կարծիքն եմ հայտնում, հիմա չեմ իմանում այդ կարծիքը կալանավորման ենթակա՞ է, թե՞ ենթակա չէ: Գալու է մի ժամանակ, որ ասելու են՝ սխալ եք դաստիարակել ձեր տղաներին, որ գնացել են հանուն հայրենիքի զոհվել: Իշխանությունների համար բոլորը մեղավոր են բացի իրենցից, բացի գերագույն գլխավոր հրամանատարից»,- նշել է նա:
Հիշեցնենք՝ զոհվածների և անհետ կորածների հարազատները բողոքի ակցիա են իրականացնում Դատախազության դիմաց՝ հաջակցություն կալանավորված Արսեն Ղուկասյանի։