«Մրցանակը նվիրում եմ Վենեսուելայի տառապող ժողովրդին և Թրամփին»․ Մարիա Կորինա Մաչադո

«Այս մրցանակը նվիրում եմ Վենեսուելայի տառապող ժողովրդին և նախագահ Թրամփին՝ մեր գործին նրա վճռական աջակցության համար»,- այս մասին սոցկայքի իր էջում գրել է Նոբելյան խաղաղության մրցանակի դափնեկիր Մարիա Կորինա Մաչադոն։ Քաղաքական գործիչը նշել է, որ մրցանակը բոլոր վենեսուելացիների ազատության համար պայքարի ճանաչումն է։

Ավելի վաղ հայտնել էինք, որ Նոբելյան կոմիտեն որոշում է կայացրել 2025 թվականի Նոբելյան խաղաղության մրցանակը շնորհել Վենեսուելայի ընդդիմության առաջնորդ Մարիա Կորինա Մաչադոյին՝ Վենեսուելայի ժողովրդի ժողովրդավարական իրավունքները պաշտպանելու իր անխոնջ աշխատանքի և բռնապետությունից ժողովրդավարության արդար և խաղաղ անցման հասնելուն ուղղված իր պայքարի համար: