«Սա վատ կատակ է, ամոթ, նվաստացում»․ Ջորդան Բարդելա

241

Շաբաթ, 11 հոկտեմբերի, 2025 թ., 00:56

Ֆրանսիայի «Ազգային միավորում» կուսակցությունը անվստահություն կհայտնի նորանշանակ վարչապետ Սեբաստիան Լեկորնյուին, հայտարարել է կուսակցության առաջնորդ Ջորդան Բարդելան։
«Մակրոնի կողմից Լեկորնյուի վերանշանակումը վատ կատակ է, ժողովրդավարության ամոթ և ֆրանսիացի ժողովրդի նվաստացում»,- սոցկայքի իր էջում գրել է նա։

Ավելի վաղ հայտնել էինք, որ Ֆրանսիայի նախագահ Մակրոնն անսպասելի քայլ է կատարել. հրաժարական տված Լեկորնյուին վերանշանակվել է վարչապետի պաշտոնում։

Հոկտեմբերի 6-ին վարչապետի պաշտոնից Սեբաստիան Լեկորնյուի հրաժարականից հետո մի շարք ընդդիմադիր ուժեր հանդես եկան Մակրոնի հրաժարականի պահանջով: Ուստի, ինչպես գրում է «Եվրոնյուզ»-ը, այս նշանակումը վճռորոշ պահ է Մակրոնի նախագահության ընթացքում, որը կտևի մինչև 2027 թվականը։