«Ինչո՞ւ չեն հուշում՝ թույնով լի տարածքում համապատասխան համազգեստ պետք է կրի». Քրիստինա Վարդանյան

Երևանի ավագանու «Ազգային առաջընթաց» խմբակցության անդամ Քրիստինա Վարդանյանի ֆեյսբուքյան գրառումը. «Ոնց հասկանում ենք, մեր «պրոֆեսիոնալ» կառավարիչ քաղաքապետը, ով բոլորին «պսևդո» էր անվանում, այս անգամ իրեն որոշել է զոհաբերել՝ տեղափոխվելով Երևանի աղբավայր, որ անձամբ վերահսկի իրավիճակը, ձյունն ու սառույցը մաքրելու օրինակով (միգուցե Ն. Փաշինյանն է զայրացել)։
Այս թիմում, կարծեմ, կառավարման ձիրքով բուժքույր ԱԺ հանձնաժողովի նախագահ կա, իրավաբան Առողջապահության նախարար, իրավագետ Բնապահպանության վարչության պետ, ինչո՞ւ չեն հուշում, որ ծանր թույնով լի տարածքում ռեսպիրատոր և համապատասխան համազգեստ կրի, սա անտարբերությո՞ւն է։
Մեկ նկարում ի ցույց եք դրել այն ամենն, ինչ արգելված է անել նման արտակարգ իրավիճակի տարածքում։ Հարգելիներս, ջրով աղբավայրը մարելուց ավելի լուրջ բնապահպանական խնդիր եք առաջացնում, թույները ուղղելով դեպի ստորգետնյա ջրեր։ Եվ ամեն հաջորդ անգամ, էֆեկտի ծանրությունն ավելի ուժգին է լինելու։ Կադրային սովը սրա մասին է»: