Մեքսիկայում ջրհեղեղի զոհերի թիվը հասել է 37-ի

682

Շաբաթ, 11 հոկտեմբերի, 2025 թ., 22:30

Մեքսիկայի կենտրոնական և հարավային հատվածներում տեղի ունեցած ուժեղ անձրևների, ջրհեղեղների և սողանքների հետևանքով զոհերի թիվը հասել է 37-ի, հայտարարել են իշխանությունները։
«Իդալգո, Պուեբլա, Վերակրուս և Կերետարո նահանգների կառավարությունների տվյալներով՝ մինչ այժմ հաստատվել է 37 մարդու մահը», - ասվում է Մեքսիկայի անվտանգության և քաղաքացիների պաշտպանության նախարարության հայտարարության մեջ։

Ազգային քաղաքացիական պաշտպանության ծառայությունը զգուշացնում է, որ անձրևները կշարունակվեն առաջիկա օրերին՝ արևադարձային «Ռեյմոնդ» ցիկլոնի անցնելու պատճառով, իսկ մի քանի նահանգներում վտանգի մակարդակը մնում է բարձր։