ՀԱՄԱՍ-ը չի մասնակցի խաղաղության համաձայնագրի ստորագրման արարողությանը

Պաղեստինյան ՀԱՄԱՍ շարժման ներկայացուցիչները չեն մասնակցի Իսրայելի հետ խաղաղության համաձայնագրի պաշտոնական ստորագրման արարողությանը Եգիպտոսում, հաղորդում է ֆրանսիական Le Figaro թերթը՝ հղում անելով ՀԱՄԱՍ-ի անդամ Հոսամ Բադրանի հետ AFPTV-ին տված հարցազրույցին։

Շարժման ներկայացուցիչը պարզաբանել է, որ ՀԱՄԱՍ-ը շարունակում է հույսը դնել խաղաղության բանակցություններում միջնորդների վրա՝ Քաթար, Եգիպտոս և Թուրքիա։
Արարողությանը մասնակցելուց հրաժարվելու պատճառները չեն հրապարակվել։

Հիշեցնենք՝ երկուշաբթի՝ հոկտեմբերի 13-ին, Եգիպտոսի Շարմ էլ Շեյխ քաղաքում կկայանա Գազայի հրադադարի վերաբերյալ «Խաղաղության գագաթնաժողով»։

Հայտարարվել է նաև, որ ՄԱԿ-ի գլխավոր քարտուղար Անտոնիո Գուտերեշը կմեկնի Եգիպտոս՝ մասնակցելու Շարմ էլ Շեյխում կայանալիք «Խաղաղության գագաթնաժողովին»։ Գագաթնաժողովը նվիրված է Գազայի հատվածում հրադադարի համաձայնագրի կնքմանը։ Եգիպտոսի նախագահ Աբդել Ֆաթթահ էլ Սիսիի գրասենյակը նախկինում հայտարարել էր, որ գագաթնաժողովին հրավիրվել են ավելի քան 20 երկրների ղեկավարներ։