«ՑԱԽԱԼ-ը կոչնչացնի ՀԱՄԱՍ-ի ահաբեկչական թունելները»․ Իսրայել Կաց

Իսրայելի պաշտպանության նախարար Իսրայել Կացը հայտարարել է, որ Գազայում ՀԱՄԱՍ-ի ահաբեկչական թունելները կոչնչացվեն պատանդների ազատ արձակումից հետո։

«Պատանդների վերադարձի փուլից հետո Իսրայելի համար ամենամեծ խնդիրը կլինի Գազայում ՀԱՄԱՍ-ի բոլոր ահաբեկչական թունելների ոչնչացումը՝ անմիջապես Իսրայելի պաշտպանության բանակի և ԱՄՆ ղեկավարության ու վերահսկողության ներքո ստեղծվող միջազգային մեխանիզմի կողմից։ Սա Գազայի ապառազմականացման և ՀԱՄԱՍ-ի զինաթափման համաձայնեցված սկզբունքի իրականացման հիմնական նպատակն է», - ասել է նա։

Նախարարը հավելել է, որ ինքը հանձնարարել է Իսրայելի պաշտպանության բանակին պատրաստվել այս առաքելությանը։