ԱՄՆ-ն հրավեր է ուղարկել ՀՀ-ին՝ մասնակցելու Գազայի հարցով գագաթնաժողովին

Մեծ Բրիտանիայի վարչապետ Քեյր Սթարմերը և Ֆրանսիայի նախագահ Էմանուել Մակրոնը հոկտեմբերի 13-ին, երկուշաբթի օրը, կժամանեն Շարմ էլ Շեյխ՝ Գազայում պատերազմը դադարեցնելու համաձայնագրի ստորագրման արարողությանը մասնակցելու համար, հայտարարել են վարչապետի գրասենյակը և Ելիսեյան պալատը։

Գագաթնաժողովը համանախագահելու են Եգիպտոսի և ԱՄՆ նախագահներ Աբդել Ֆաթթահ էլ Սիսին և Դոնալդ Թրամփը, իսկ մի շարք եվրոպական և Մերձավոր Արևելքի երկրների առաջնորդներ նույնպես հաստատել են իրենց մասնակցությունը։ ՄԱԿ-ի գլխավոր քարտուղար Անտոնիո Գուտերեշը ևս կմասնակցի։

Axios-ի լրագրողը հայտնել է, որ ԱՄՆ-ն Եգիպտոսում խաղաղության գագաթնաժողովին հրավիրել է նաև Հայաստանին, Ադրբեջանին և Իրանին։
Հայաստանի մասնակցության վերաբերյալ պաշտոնական տեղեկատվություն առայժմ չկա։