Թբիլիսիի կենտրոնում տեղի է ունենում բողոքի երթ

Թբիլիսիի կենտրոնում տեղի է ունենում բողոքի երթ, որի մասնակիցները պահանջում են նոր ընտրություններ և բողոքի ակցիայի ընթացքում ձերբակալված ընդդիմության առաջնորդների ու ցուցարարների ազատ արձակում, հաղորդում են վրացական լրատվամիջոցները։

Նրանք ձեռքերում պահում են Վրաստանի, Եվրոմիության և Միացյալ Նահանգների դրոշները։ Որոշ մասնակիցներ կրում են շերտավոր հագուստ, որը, նրանց խոսքով, խորհրդանշում է ձերբակալվածներին աջակցությունը:

Ցուցարարները վանկարկում են. «Դուք չեք կարող կանգնեցնել մեզ, դուք չեք կարող ձերբակալել մեզ, մենք կճեղքենք այս փշալարե ցանկապատերը»։