«Մեր երկրում միայն հանցագործությունն է կազմակերպված». Վիտալի Մանգասարյան

«Հենակետ» վերլուծական կենտրոնի ղեկավար Վիտալի Մանգասարյանի ֆեյսբուքյան գրառումը. «Մեր երկրում միայն հանցագործությունն է կազմակերպված։
Այսօր Հայաստանում ստեղծվել է մի իրողություն, որտեղ թվում է, որ կազմակերպվածության նշույլ կարելի է գտնել միայն հանցագործ աշխարհում։ Գրեթե օր չկա, որ մամուլում հիշատակում չլինի հրազենի կիրառմամբ հանցագործության, սպանության, կամ բռնի հաշվեհարդարի մասին։
Նշեմ նաև, որ վերջին տարիներին ոստիկանության համակարգի թվաքանակը զգալիորեն աճել է, սակայն դրան զուգահեռ հանցագործությունների թիվը ոչ թե նվազել, այլ կտրուկ աճել է։
Այս ամենը վկայում է այն մասին, որ իրավապահ համակարգը չի իրականացնում իր բուն առաքելությունը։ Փոխարենը, մենք ականատես ենք լինում, թե ինչպես են ոստիկանությունն ու այլ կառույցները օգտագործվում ընդդիմախոսներին հետապնդելու, քաղաքական ճնշումներ գործադրելու, հանրային բողոքը լռեցնելու համար։
Երբ պետական կառավարման համակարգը ԱՆԿԱԶՄԱԿԵՐՊ է, կազմակերպված հանցագործությունը գրանցում է էքպոնենցիալ աճ»: