«Յոթ տարի նույն դասարանում մնացած անգետներն այսօր խոսում են կրթությունից»․ Արմեն Հովասափյան

ՀՀԿ խորհրդի անդամ Արմեն Հովասափյանի ֆեյսբուքյան գրառումը․ «Մեր իրավիճակի մարազմը նրանում ա, որ յոթ տարի նույն դասարանում մնացած անգետներն այսօր խոսում են կրթությունից ու հայտարարում, թե՝ «կրթվելը նորաձև է»։ Երեխաներին կոչ ա անում կրթվել ու լավ սովորել մեկը, ով իր դիպլոմը ստացել ա բուհից հեռացվելուց 20 տարի անց՝ էն էլ ուզած-չուզած սարքեցին, տվեցին ձեռը։ Գիրք ա գրում՝ կարդում ես՝ նողկանք ես ապրում, թերթ ա խմբագրում՝ ոտից գլուխ սուտ ու ֆեյք, երկիր ա կառավարում՝ պետական համակարգը գլխի վրա շուռ ա գալիս։
Էս մարդը՝ լինելով համամարդկային աղետ, ցինիկ դիմքով էսօր ասում ա, թե «սիրելի երեխաներ, հաջողության հասնելու համար պետք է կրթություն, կրթություն, կրթություն»։ Ասեմ՝ էդտեղ էլ ա պլագիատ անում․ քեզնից ավելի քան հարյուր տարի առաջ նույնը Լենինն ա ասել՝ «սիրելի մանուկներ, սովորել, սովորել, սովորել»։ Դու երբեք սեփական միտք կամ գաղափար չես ունեցել․ քեզ միշտ գրել, տվել են, դու էլ անգիր արած տեսարանային ներկայացումներ ես ապահովել կամ ուղղակի՝ սրանից-նրանից պլագիատ արել։
Ու էս ամենից հետո էլ փորձում են համոզել, թե կրթվելը նորաձև ա։ Ասեմ՝ նորաձև չի, պարտադիր ա, բայց ամեն ինչից առաջ՝ պետք ա հասկանալ, որ տգիտությամբ երկիր չեն կառուցում»։