«Եթե Կարապետյանի հետ կապված մտավախություն չունեն, ինչո՞ւ են «բռնել» նրան»․ Նարեկ Կարապետյան

«Իշխանությունն ամեն ինչ անելու է, որ սահմանափակի Սամվել Կարապետյանի ազատությունը ևս 2 ամսով»,- այս մասին այսօր լրագրողների հետ զրույցում նշեց Սամվել Կարապետյանի եղբորորդի, «Մեր ձևով» շարժման համակարգող Նարեկ Կարապետյանը։

«Իրենք շատ են հայտարարում, որ ոչ մի մտահոգություն չունեն՝ կապված Սամվել Կարապետյանի և նրա սկսած շարժման հետ։ Եթե մտավախություն չունեն, ինչո՞ւ են ակտիվորեն ուզում երկարացնել նրա կալանքի ժամկետը, ինչո՞ւ են «բռնել» նրան»,- նշեց Կարապետյանը։ Նրա խոսքով՝ իշխանության որդեգրած ռազմավարությունը բերելու է նրան, որ «բերդերում էլ տեղ չի լինելու»։