«Հնդկաստանը, Պակիստանը, Իսրայելը չեն ստորագրել միջուկային զենքի չտարածման պայմանագիրը, իսկ Հս Կորեան ավելի խորամանկ է գտնվել». Էդուարդ Աբրահամյան

Միջազգային հարաբերությունների դոկտոր Էդուարդ Աբրահամյանի ֆեյսբուքյան գրառումը. «Իսկ դուք գիտեի՞ք, որ ո՛չ Հնդկաստանը, ո՛չ Պակիստանը ու ո՛չ Իսրայելը չեն ստորագրել միջուկային զենքի չտարածման պայմանագիրը (NPT), իսկ Հյուսիսային Կորեան ավելի խորամանկ է գտնվել։ Մախ ստորագրել ու մտել է NPT ՄԱԿ-ի համապատասխան կառույցների մեջ, մաքսիմալ ստացել ինչ իրեն պետք էր, այդ թվում խաղաղ ատոմ զարգացնելու տեխնոլոգիաներ, ռեակտորի/ատոմակայանների նախագծեր, տեղեկատվություն (մեծամասամբ արևմտյան պետություններից), որը հեշտացրել է միջուկային զենքի ձեռք բերման կորեացիների ճանապարհը, և դուրս է եկել NPT-ից 2003ին։ Ավելին, քանի որ Հյուսիսային Կորեան այլևս չի ունեցել պարտավորվածություն չտարածել միջուկային ռազմական տեխնոլոգիաներ՝ փորձել է օգնել մի շարք այլ պետությունների ձեռք բերել այն, այդ թվում ասադյան Սիրիային, Իրանին, աֆրիկյան մի քանի երկրի, այդ թվում Եգիպտոսին ու քադաֆիական Լիբիային»։