«Հայաստանի ղեկավարի թիկունքում պետք է լինի Սփյուռքն ու Եկեղեցին, բայց նա երկուսն էլ քանդում է». Արեգ Սավգուլյան

248

Երեքշաբթի, 14 հոկտեմբերի, 2025 թ., 20:06

Աշխատանքի և սոցիալական հարցերի նախարարի նախկին խորհրդական Արեգ Սավգուլյանը ֆեյսբուքյան իր էջում գրել է. «#ՄԱԿ-ում 195 պետություն է ներկայացված։ Թրամփը ո՞ր մեկին հիշի, բայց ոչ բոլորն են ներկայացնում քեզ Նոբելյան մրցանակի և ոչ բոլորի անունից ես խոսում դու, որ այդ երկրներին «խաղաղություն» ես բերել։
Տարածված տեսանյութի մեջ Նիկոլը հիշեցնում է, որ երկրի վարչապետն է ինքը, անկախ այն հանգամանքից, որ ԱՄՆ-ի նախագահը չի էլ մտապահելու դա։ Առջևում դեռ լիքը պետություններ կան, որոնց Թրամփը պետք է յուրովի «խաղաղություն» պարգևի՝ ձեռքը ուսին դնելով և «կուլտուրական» ճանապարհելով։
Հ.Գ. Ալիևների դինաստիայի թիկունքում Թուրքիան է, Հայաստանի ղեկավարի թիկունքում պետք է լինի Սփյուռքն ու Եկեղեցին, բայց ՔՊ-ն ամեն կերպ քանդում է և՛ մեկը, և՛ մյուսը»։

Աղբյուրը` Արեգ Սավգուլյան