«Մարդասպանն ամեն տեղ հայտարարել է, որ սպանելու է․ ինչո՞ւ չեն դիմել ոստիկանություն»․ Արթուր Գևորգյան

Քանդակագործ Արթուր Գևորգյանի ֆեյսբուքյան գրառումը․ «Ուրեմն արամուսցի մարդասպանն ունեցել է 10 հոգանոց ցուցակ ու ամեն տեղ հայտարարել, որ սպանելու է։ ( Ըստ շրջանառվող լուրերի)
Թմրամոլ մարդասպանը սառնասրտորեն սպանել է դաշտում գտնվող ամուսիններին և դա արել դաժանաբար։
Մի հատ էլ ցուցակից դուրս սպանել ևս երկու հոգու։
Զե՞նք․ ով է տվել։
Եթե անգամ իրավապահ համակարգը չի նկատել էսքանը, հասարակությունն ի՞նչ է մտածել։ Սպանվողներն ինչո՞ւ չեն դիմել ոստիկանություն։
Էս ողբերգությունը լայն հանրության կողմից բավարար ուշադրության չարժանացավ։ Բայց նման դեպքերը հիմա քիչ չեն։
Եվ ամեն սպանության մեջ զենք է հիշատակվում»։