«Tomahawk-ի մատակարարումների հարցը ՆԱՏՕ-ում սպասվող հանդիպմանը չի քննարկվի»․ Ռյուտե

Կիևին «Տոմահավկ» թևավոր հրթիռների մատակարարման հարցը չի քննարկվի ՆԱՏՕ-ի պաշտպանության նախարարների և Ուկրաինայի հարցով խմբի հանդիպման ժամանակ. այս հարցը լուծվում է բացառապես ԱՄՆ մակարդակով։ Նման հայտարարություն է արել ՆԱՏՕ-ի գլխավոր քարտուղար Մարկ Ռյուտեն:
«Սա այն հարցը չէ, որն այսօր կքննարկվի, քանի որ դա երկկողմանի հարց է։ Մի երկիր պետք է որոշի՝ արդյոք դրանք կմատակարարի Ուկրաինային»,- ասել է Ռյուտեն՝ պատասխանելով «Տոմահավկ» հրթիռների վերաբերյալ ուկրաինացի լրագրողի հարցին։