«Ինչո՞ւ եք ճանապարհը փակել»․ Մարինե Ֆարմանյանը՝ ոստիկաններին

«Ինչո՞ւ եք Քննչական վարչության ճանապարհը փակել։ Ընդմիջումն էլ ա ավարտվել, Զատիկն էլ, Սբխեչն էլ»,- դիմելով Քննչական վարչության դիմաց պատ կազմած ոստիկաններին՝ ասաց փաստաբան Մարինե Ֆարմանյանը, ով մի խումբ փաստաբանների հետ պատրաստվում էր վարչության գրասենյակում մուտքագրել ձերբակալված հոգևորականների շահերի պաշտպանության վերաբերյալ դատավարական փաստաթղթեր։ «Պաշտպանությունը ստանձնելու վերաբերյալ դիմումն էլեկտրոնային տարբերով մուտք ենք արել, սակայն ՔԿ-ն պատասխանել է, որ դիմումին կից օրինակը, որտեղ մեզ հանձնարարվում է ստանձնել շահերի պաշտպանությունը, իբրև կցված չէ։ Սակայն մեյլում հստակ երևում է, որ կցված է։ Այս բեմադրությունը ինչի՞ համար է»,- ասաց Ֆարմանյանը՝ նշելով, որ վարչությունից ասել են՝ սպասել իրենց հրավերին։ «Վկայի կարգավիճակ ունեցող հոգևորականների նկատմամբ կա՛մ կարգավիճակի փոփոխություն են անում, կա՛մ դատավարական գործողություններ, որի իրավունքը չունեն, քանի որ անձանց պաշտպանության իրավունքը ապահովված չէ»,- նշեց նա:
Տեղեկացնենք, որ Արագածոտնի թեմի առաջնորդի գտնվելու վայրը առ այս պահը ճշտված չէ։