«Անաստվածները թող չարդարանան, որ տուն են պահում»․ Գեղամ Մանուկյան

«Մի քանի օր առաջ Նիկոլին ԱԺ-ում փոխանցեցի 1920-30-ականներին Հայ Առաքելական եկեղեցին պառակտելու նպատակով «Ազատ եկեղեցի» անվամբ աղանդավորական շարժման պատմությունն ու դրա անփառունակ տապալումը։ Հիշեցրեցի բոլշևիկ անաստվածների պարտությունը Մայր Եկեղեցու դեմ պայքարում»,- լրագրողների հետ զրույցում ասաց ԱԺ «Հայաստան» խմբակցության պատգամավոր Գեղամ Մանուկյանը՝ զուգահեռներ տանելով այսօրվա իրականության, հոգևորականների ձերբակալությունների հետ։ Նրա խոսքով՝ «մեր աչքի առաջ կատարվողը հիշեցնում է 37 թիվը։ Տերարամներն ու դանիելիոանիսյանները կրկնում են այդ ժամանակների դանոսներ հասցնող անաստվածներին... Բոլոր անաստվածները՝ էն դիմակով ԱԱԾ-ականները, քննիչները, թող չարդարանան, որ տուն են պահում: Նրանք պետությանը չեն ծառայում, Ստալինի ժամանակ էլ էին պետությանը ծառայում, միլիոնավորների գլուխը կերան»,- ասում է Մանուկյանը։