«Եթե հոգևորականի քողի ներքո դավեր են անում երկրի ներսում, պետք է պատժվեն օրենքի խստությամբ»․ Լուսինե Բադալյան

«Հոգևորականները որևէ բանով չեն խանգարում, եթե զբաղվեն իրենց գործով։ Իսկ երբ հոգևորականը զբաղվում է քաղաքականությամբ, նա ավտոմատ կերպով համարվում է քաղաքական գործիչ և ենթարկվում է նույն պատասխանատվության, ինչ մնացած քաղաքական գործիչները։ Հոգևորական լինելը քաղաքականությամբ զբաղվելու մեջ որևէ առավելություն որևէ մեկին չի տալիս»,- լրագրողների հետ զրույցում ասել է ԱԺ «Քաղաքացիական պայմանագիր» խմբակցության պատգամավոր Լուսինե Բադալյանը՝ խոսելով Միքայել Սրբազանի և հոգևորականների այսօրվա ձերբակալությունների մասին։ «Եկեղեցին իրավունք չունի քաղաքականության մեջ դիրքորոշում հայտնելու։ Կան հոգևորականներ, որոնք իրենց հոգևորականությունը թողած, զբաղվում են քաղաքականությամբ, և շատ ավելի ազնիվ կլիներ, որ նրանք հանեն իրենց հագուստը և զբաղվեն քաղաքականությամբ։ Իսկ եթե նրանք շարունակում են մնալ հոգևորական և էդ քողի ներքո անում դավադրություններ երկրի ներսում, ապա նրանք պետք է պատժվեն օրենքի ողջ խստությամբ»,- ասել է պատգամավորը։