«ՔՊ-ն չի կարող բանտարկել մեր հավատքը»․ Սարգիս Տեր-Եսայան

«Իրավունքների և արժեքների գերակայություն» ՀԿ նախագահ Սարգիս Տեր-Եսայանի ֆեյսբույան գրառումը․ «Եվ երբ ժողովուրդը գիտակցի, որ հարվածը ուղղված է մեր հավատքին ու արժանապատվությանը, այդ օրը կլինի իրական արթնացման սկիզբը։
Հայաստանն այն երկիրն է, որ առաջինն է քրիստոնեությունը պետական կրոն հռչակել։
Եվ այսօր հենց այդ երկրի հողում տեղի է ունենում անընդունելին՝ սրբազանների, տեր հայրերի ձերբակալություններ, խուզարկություններ, կալանքներ։
Էս ամենը հարված չէ միայն մեր եկեղեցուն, այլ սա հարված է մեր ինքնությանը, մեր պատմական հիշողությանը, մեր հոգևոր հիմքերին։
Երբ հավատքը փորձում են փոխարինել կուսակցական շահերով, երբ սրբությունը դառնում է քաղաքական հաշվեհարդարի թիրախ, դա նշանակում է, որ պետությունը հեռանում է իր արմատներից։
ՔՊ-ն կարող է փորձել կալանքի տակ պահել մեր հոգևորականներին, բայց չի կարող բանտարկել մեր հավատքը, որը մեր ժողովրդի մեջ է, մեր արյան մեջ, մեր պատմության ամեն էջում»։