«Մկրտիչ Սրբազանի գտնվելու վայրի մասին տեղեկություն չկա. հաղորդում ենք ներկայացրել»․ Արա Զոհրաբյան

ՀԱԵ Արագածոտնի թեմի առաջնորդ Մկրտիչ Սրբազանի գտնվելու վայրի մասին դեռ տեղեկություններ չկան։ Այս մասին լրագրողներին հայտնեց փաստաբան Արա Զոհրաբյանը։ Հիշեցնենք՝ Սրբազանը առավոտյան էր ձերբակալվել։
«Հանցագործության մասին հաղորդում ենք ներկայացրել Գլխավոր դատախազություն։ Իրավունքի խախտման նման մասշտաբային դեպք չեմ տեսել։ Առավոտից քահանաներին իբրև վկա բերել են ՔԿ, սակայն փաստաբաններին թույլ չեն տալիս մուտք գործել շենք»,- ասում է Զոհրաբյանը՝ հավելելով, որ ամենածանր հանցագործություն իրականացրած մարդն անգամ ունի պաշտպանության իրավունք, որը խախտվում է քահանաների պարագայում․ «Քննչական մարմինի կողմից այս ամենը լկտիություն է։ Հոգևորականները չեն կարողանում դուրս գալ, հեռախոսները առգրավել են, հավանաբար ինչ-որ գործողություններ են իրականացվում»,- նշում է Զոհրաբյանը։
Նրան թույլ տվեցին, որ մտնի Երևանի Քննչական վարչություն՝ տեսակցելու իր վստահորդներին։