«Ռուսաստանը կարևոր դեր կունենա նոր Սիրիայի զարգացման գործում»․ Ահմեդ ալ-Շարաա

Սիրիայի ժամանակավոր նախագահ Ալ-Շարաան ՌԴ նախագահ Պուտինի հետ բանակցությունների ժամանակ հայտարարել է, որ Ռուսաստանը մեծ դեր կունենա նոր Սիրիայի զարգացման գործում։ Նա նաև նշել է, որ Սիրիան հենվում է բազմաթիվ ձեռքբերումների վրա, որոնց հասնելուն օգնել է Ռուսաստանը։ «Մենք կփորձենք վերսկսել մեր հարաբերությունները և ծանոթացնել, այդ թվում՝ ձեզ, նոր Սիրիային։ Ամենակարևորը կայունությունն է։ Կայունություն՝ թե՛ երկրում, թե՛ ամբողջ տարածաշրջանում»,- ընդգծել է ալ-Շարաան և հավելել, որ Սիրիան հարգում է Մոսկվայի և Դամասկոսի միջև նախկինում կնքված բոլոր համաձայնագրերը և ձգտում է նոր բնույթ հաղորդել երկկողմ հարաբերություններին: