Ուկրաինական պատվիրակությունն ԱՄՆ-ում հանդիպել է Tomahawk հրթիռներ արտադրողների հետ

Ուկրաինական պատվիրակությունն ԱՄՆ-ում հանդիպել է ամերիկյան ռազմաարդյունաբերական ընկերությունների ներկայացուցիչների հետ, որոնք, մասնավորապես, արտադրում են Tomahawk հրթիռներ և F-16 կործանիչներ, հայտարարել է Ուկրաինայի նախագահ Վլադիմիր Զելենսկիի գրասենյակի ղեկավար Անդրեյ Երմակը։ «Հանդիպել ենք Lockheed Martin-ի և Raytheon-ի ներկայացուցիչների հետ»,- գրել է Երմակը՝ Telegram ալիքում։

Ավելի վաղ ԱՄՆ նախագահ Դոնալդ Թրամփը հաստատել էր Զելենսկու հետ հոկտեմբերի 17-ին Սպիտակ տանը հանդիպելու իր մտադրությունը: Թրամփը նաև ասել էր, որ գրեթե որոշում է կայացրել հրթիռների հնարավոր մատակարարման վերաբերյալ, բայց ցանկանում է հասկանալ, թե ինչպես է Կիևը մտադիր օգտագործել դրանք: Ռուսաստանի նախագահ Վլադիմիր Պուտինն էլ շեշտել էր, որ այդ հրթիռների օգտագործումը կվնասի Ռուսաստանի և Միացյալ Նահանգների հարաբերություններին: