Թրամփը մտադիր է «հաղթանակի հիմնադրամ» ստեղծել Ուկրաինայի համար

ԱՄՆ նախագահ Դոնալդ Թրամփն աշխատում է Ուկրաինայի համար «հաղթանակի հիմնադրամ» ստեղծելու ուղղությամբ, որը կֆինանսավորվի Չինաստանի նկատմամբ նոր մաքսատուրքերի հաշվին, հայտնում է The Telegraph թերթը։
Ըստ թերթի՝ ԱՄՆ նախագահը հանձնարարել է ֆինանսների նախարար Սքոթ Բեսենթին ներկայացնել այդ ծրագիրը իր եվրոպացի գործընկերներին՝ Վլադիմիր Զելենսկու ուրբաթ օրը Վաշինգտոն կատարելիք այցից առաջ։
Նշվում է, որ ռազմավարությունը նախատեսում է Չինաստանից ներմուծման վրա 500 տոկոս մաքսատուրք սահմանել, իսկ ստացված միջոցներն ուղղվելու են ուկրաինական բանակի համար զենք գնելուն։