Տասնյակ լրագրողներ լքել են Փենթագոնը

Հոկտեմբերի 15-ին տասնյակ լրագրողներ հանձնել են մուտքի անցագրերը և լքել Փենթագոնը՝ չհամաձայնվելով կառավարության կողմից իրենց աշխատանքի վրա սահմանված սահմանափակումներին։
Լրագրողներին խնդրել են ստորագրել պարտավորություն՝ զերծ մնալ ԱՄՆ Պատերազմի նախարարության, նախկինում՝ Պաշտպանության նախարարության կողմից հրապարակման համար չթույլատրված տեղեկատվություն հաղորդելուց:
Լրատվամիջոցները գրեթե միաձայն մերժել են ԱՄՆ պատերազմի նախարար Փիթ Հեգսեթի կողմից սահմանված նոր կանոնները, որոնք լրագրողներին խոցելի կդարձնեն արտաքսման համար, եթե նրանք փորձեն հաղորդել գաղտնի կամ այլ տեղեկատվություն, որը Հեգսեթի կողմից չէր հաստատվել հրապարակման համար։
Միայն պահպանողական «One America News Network»-ն է ստորագրել պարտավորությունը։