«Ընդդիմադիր ուժերը պետք է կազմակերպեն աննախադեպ համատեղ ճնշում ԱՄՆ-ի վրա». Հայկ Այվազյան

«Լույս» տեղեկատվական-վերլուծական կենտրոնի տնօրեն Հայկ Այվազյանի ֆեյսբուքյան գրառումը․ «Որպեսզի Հայաստանի իշխանությունները դադարեցնեն հալածանքները Եկեղեցու և հոգևորականների նկատմամբ, անհրաժեշտ է Միացյալ Նահանգների Պետդեպարտամենտից զանգ Հայաստանի իշխանություններին՝ այդ պահանջով։
Նախ, մի քանի փաստ՝ առանց գնահատականների․
1. Եկեղեցու և հոգևորականների դեմ հալածանքների փաստը լայն հասարակական շերտերին չի մղում ակտիվ պայքարի։
2. Ընդդիմադիր ուժերի բողոքի ակցիաները պետական հաստատությունների մոտ արդյունք չեն տալիս։
3. Քաղաքացիական և պատգամավորական նախաձեռնությունները նույնպես արդյունք չեն տալիս։
4. Անընդհատ հրապարակային շեշտադրումները, թե Հայաստանի իշխանությունների քաղաքականության հետևում կանգնած են Թուրքիան և Ադրբեջանը, նույնպես առանձնապես չեն արթնեցնում հասարակությանը։
Վերոնշյալը նշանակում է, որ ընդդիմությունը կարող է հույս դնել միայն առկա ռեսուրսների վրա և դրանք կիրառել նպատակային ու արդյունավետ կերպով։
Եկեղեցու և հոգևորականների դեմ հալածանքները դադարեցնելու համար անհրաժեշտ է, որ ԱՄՆ Պետդեպարտամենտը զանգահարի Հայաստանի իշխանություններին՝ նման պահանջով։
Բնականաբար, Պետդեպարտամենտը պարզապես խնդրանքներով այդ քայլին չի գնա։ Հետևաբար, ընդդիմադիր ուժերը պետք է կազմակերպեն աննախադեպ համատեղ ճնշում ԱՄՆ-ի և մասամբ նաև ԵՄ-ի վրա՝ կոշտ հռետորաբանությամբ։
Անհրաժեշտ է լայնածավալ տեղեկատվական-քաղաքական արշավ, որի ընթացքում բոլոր մակարդակներում կներկայացվի Արևմուտքի դերը մեր ժողովրդի բոլոր դժբախտությունների մեջ վերջին 7 տարիների ընթացքում՝ ներառյալ Եկեղեցու դեմ գործընթացները։
Այս արշավի կուլմինացիամծն պետք է դառնա բազմահազարանոց, օրինական և անժամկետ բողոքի ակցիան ԱՄՆ դեսպանատան մոտ Երևանում։
Ընդդիմության հավաքական ռեսուրսները լիովին բավարար են դրա համար և որևէ կազմակերպչական դժվարություն այստեղ չկա։ Անհրաժեշտ է ընդամենը քաղաքական կամք և վճռականություն։
Պլանավորած, հետևողական և անզիջում ճնշումից հետո ԱՄՆ Պետդեպարտամենտից կկայանա զանգ Հայաստանի իշխանություններին՝ Եկեղեցու դեմ հալածանքները դադարեցնելու պահանջով։
Եվ այս հարցում հաջողության հասնելուց դեպքում, կարելի կլինի անցնել նաև մյուս հարցերի լուծմանը»։