«Հայ մարդը ունի շատ հստակ խնդիր՝ ամեն ինչ անել, որ Ալիևի հայրենակիցները չվերարտադրվեն». Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Դոնալդ Թրամփը հաստատ չէր սխալվում, երբ Ալիևին հարցնում էր, թե ո՞ւր է իր հայրենակիցը (compatriot)՝ նկատի ունենալով Նիկոլ Փաշինյանին։
Ալիևի հայրենակիցը (compatriot) վստահաբար չի հանգստանալու, քանի դեռ վերջնականապես չի կարողացել խարխլել հայերիս ինքնությունը, ոչնչացնել արժեքային այն համակարգը, որի վրա հենվել են հազարավոր սերունդներ։
Հայ մարդը ունի շատ հստակ խնդիր՝ ամեն ինչ անել, որպեսզի Ալիևի հայրենակիցները (compatriots) չվերարտադրվեն՝ որպես իշխանություն, և հնարավորություն չունենան թշնամիների հրահանգները հասցնել ավարտին։
Ինքնությունից զատ, ինքնությունից ավելի ոչինչ չի մնացել՝ Հայրենիքի գաղափարը ինքնության մի մասն է, ազգային պատկանելության գաղափարը ինքնության մի մասն է, իսկ պետությունը (իշխանության մոդերացմամբ) ստեղծվել է մեր ինքնությունը պաշտպանելու համար, և ո՛չ թե թշնամու կամքին ծառայելու և մեր ինքնության դեմ կռիվ տալու համար։
Ալիևի հայրենակիցը (compatriot) մեր ժողովրդի և մեր պետության ճակատագրի հետ կապ ու գործ չունի»։