Արագածոտնի թեմի առաջանորդարանի հաշվապահի նկատմամբ կիրառվեց տնային կալանք

Երևանի քաղաքի առաջին ատյանի ընդհանուր իրավասության դատարանի դատավոր Մանվել Շահվերդյանը չբավարարեց Արագածոտնի թեմի առաջանորդարանի 60–ամյա հաշվապահ Նաիրա Ալավերդյանին կալանավորելու միջնորդությունը։ Նրա նկատմամբ ընտրվեց խափանման միջոց տնային կալանք։ Այս մասին հայտնում է «Փաստինֆոն»

Հիշեցնենք, որ հոկտեմբերի 15–ին վաղ առավոտից Քննչական կոմիտեն ԱԱԾ-ի ուղեկցությամբ խուզարկություններ է իրականացրել Արագածոտնի թեմի մի շարք հոգևորականների տներում և Արագածոտնի թեմի առաջնորդարանում։ 3 անձ՝ այդ թվում թեմի առաջնորդ Մկրտիչ Եպիսկոպոս Պռոշյանը, ձերբակալվել են։

Այսօր Մկրտիչ Սրբազանը կալանավորվել է 2 ամսով, Արագածոտնի թեմի դիվանապետ տեր Գարեգին Արսենյանը՝ կալանավորվել է 1 ամսով։