«Անընդունելի և դատապարտելի է Կոչուբաևի ձերբակալումը և դրա բիրտ եղանակը»․ Սիմոն Բաբայան

Փաստաբանների պալատի նախագահ Սիմոն Բաբայանը ֆեյսբուքյան էջում անդրադարձել է փաստաբան Ալեքսանդր Կոչուբաևի ձերբակալությանը՝ գրելով․ «ԱՆԸՆԴՈՒՆԵԼԻ ԵՎ ԴԱՏԱՊԱՐՏԵԼԻ Է ՓԱՍՏԱԲԱՆ ԱԼԵՔՍԱՆԴՐ ԿՈՉՈՒԲԱԵՎԻ ՁԵՐԲԱԿԱԼՈՒՄԸ ԵՎ ԴՐԱ ԲԻՐՏ ԵՂԱՆԱԿԸ
Համացանցում հայտնվել է փաստաբան Ալեքսանդր Կոչուբաևի ձերբակալությունը պատկերող տեսանյութ։
Դրանում պարզորոշ երևում է, որ բռնության հետ չկապված՝ միջին ծանրության հանցանքի մեջ մեղադրվող անձը ձերբակալվում է ցուցադրական նվաստացման տարրեր պարունակող եղանակով՝ դիմակավորված իրավապահների կողմից, ասֆալտին պառկեցնելու միջոցով:
Նման եղանակով անհամաչափ ուժի կիրառությունը քաղաքացու, հատկապես՝ փաստաբանի նկատմամբ, դառնում է պատժիչ գործիք:
Արատավոր այս պրակտիկան դատապարտելի է»։