«Մարդն ապացուցում է, որ իրենք իզմեր չունեն»․ Մարգարիտ Եսայան

ՀՀԿ ԳՄ անդամ Մարգարիտ Եսայանի ֆեյսբուքյան գրառումը․ «Եթե որևէ մեկը կա, որ դեռ մտածում է, թե նիկոլը հենց այնպես, կայֆի համար, երբ խելքին ինչ փչում է, անում է, չարաչար է սխալվում։ Նիկոլը գործում է ծրագրով, ոչ մի չի շեղվում իր առջև դրված ծրագրից, նրան լավ դաս են տվել շատ հզոր քաղտեխնոլոգներ, գուցե և այլոք, և նա հոյակապ է աշխատում, գերազանցիկի պես, քայլ առ քայլ։
Նրա քայլը հենց սա է։
Հիշում եմ, երբ նոր-նոր էր ստեղծում իր քպ-ն, բոլոր հարցազրույցներում ասում էր, իրենք իզմեր չունեն, իրենք դառնալու են «ինստիտուցիոնալ» ուժ։ Մարդը ապացուցում է, այո, իրենք իզմեր չունեն, ունեն գործողությունների ծրագիր, իսկ նրա շեշտած «ինստիտուցիոնալը» այն չէ, ինչ հասկանում են նորմալ քաղաքացիները, կամ քաղտեխնոլոգները։ Նիկոլի «ինստիտուցիոնալը» շատ կոնկրետ է և վերաբերում է հենց ինստիտուտներին, նրանց դեմ իրենց քայլերին։
Ահա և վերջին արարը՝ Արցախի հանձնումից, հայաթափումից, ՀՀ սուվերեն տարածքի 200 կմ հանձնումից, Տավուշի 4 գյուղի հանձնումից, ԵԱՀԿ Մինսկի խմբի լուծարումից հետո՝ Հայ Առաքելական եկեղեցու քանդում։
Քանդել բոլոր կայացած և ազգապահպան ինստիտուտները։ Սա է նիկոլի քայլի «ինստիտուցիոնալությունը»։
Նիկոլի մասով կարծես ամեն բան պարզ է, անթաքույց և տեսանելի, դրա մեջ ենք։ Իսկ մե՞նք, մեր հասարակությունը, ժողովուրդը, քաղաքական ուժերը։
Հիմա՞ էլ առիթ չկա այս կառավարությանն անվստահություն հայտնելու, հիմա՞ էլ եք մտածում, թե սրանց ընտրությունով կհաղթեք, հիմա՞ էլ եք մտածում, թե սրանց հետ հնարավոր է մարդավարի խոսել։
Ես սարսափում եմ այս քաղաքական և համազգային կուրությունից»։