«Հերիք են պալատները․ պետք է ֆերմաներ կառուցենք»․ Լուկաշենկո

Բելառուսի նախագահ Ալեքսանդր Լուկաշենկոն նախանշել է հաջորդ տարվա շինարարության առաջնահերթ ուղղությունները։ Նա այս հարցը բարձրացրել է 2026 թվականի համար նախատեսվող նախագծերի վերաբերյալ խորհրդակցության ժամանակ, հաղորդում է Նախագահի մամուլի ծառայությունը։
«Բավական է պալատներ և մշակութային վայրեր կառուցենք։ Ավելի կարևոր է մարդկանց համար բնակարաններ կառուցելը։ Մի վատնեք այն գումարները, որը չունեք։ Մենք պետք է օբյեկտիվորեն գնահատենք իրավիճակը և դադարեցնենք այս բոլոր թանգարանների, հանգստյան տների և այլնի կառուցումը», - նշել է Լուկաշենկոն։
Նախագահը նշել է, որ Բելառուսի վարչապետին հանձնարարել է ոչ մի դեպքում չզբաղվել այն բանի կառուցմամբ, առանց որի այսօր և վաղը հնարավոր է ապրել:
Լուկաշենկոյի խոսքով՝ կան այլ ոլորտներ, որոնք պետք է առաջնահերթ լինեն ֆինանսավորման համար։ Օրինակ՝ անասնապահության համար ժամանակակից ֆերմաների կառուցումը։