«Հորս անունը շահարկողներից քանի՞սը գիտեն՝ երբ է նրա հիշատակի օրը». Արգիշտի Մեխակյան

«Այն մարդիկ, ովքեր շահարկում են իմ հոր անունը, նրանցից քանիսը՞ գիտի իմ հայրը որտեղ է հուղարկավորված, երբևիցե փորձե՞լ են մի ծաղիկ բերել այնտեղ դնել, կամ նրա հիշատակի օրը երբ է, որևէ գրառում անեն։ Ոչ, իհարկե ոչ, դրանք բացառապես քաղաքական նպատակով շահարկվող խոսակցություններ են»,- «Նյուզ»-ի հետ զրույցում ասել է Վաղարշապատի ընտրությունների ՔՊ թեկնածու, համայնքապետի պաշտոնակատար Արգիշտի Մեխակյանը՝ մեկնաբանելով լրագրողի այն դիտարկումը, որ հասարակությունը նրան մեղադրում է՝ ասելով, որ զրոյացրել է Արցախյան պատերազմում նահատակված հոր՝ Մեխակ Մեխակյանի կատարած գործը։

«Արցախը հանձնելուց հետո դուք դրեցիք ձեր մանդատը, հաշտ չէիք իրավիճակի հետ։ Իսկ հիմա հա՞շտ եք»․ հարցրել է լրագրողը ՔՊ-ական գործչին։ «Մարդիկ շահարկում են իմ հայտարարությունները, և պետք չէ էմոցիոնալ ֆոնը խառնել փաստերի և իրականության հետ։ Ես հիմա էլ եմ անհաշտ և ցանկացած հայ անհաշտ է դրա հետ, դրա մասին չենք քննարկում»,- պատասխանել է Արգիշտի Մեխակյանը։