Բուխարեստում բնակելի շենքում հզոր պայթյուն է որոտացել․ կան զոհեր

2063

Ուրբաթ, 17 հոկտեմբերի, 2025 թ., 13:17

Բուխարեստի բնակելի շենքերից մեկում տեղի ունեցած հզոր պայթյունի հետևանքով երկու մարդ զոհվել է, իսկ տասներկուսը՝ ծանր վիճակում հոսպիտալացվել, հաղորդում է մայրաքաղաքի արտակարգ իրավիճակների տեսչությունը։

Բուխարեստի 5-րդ թաղամասի ինը հարկանի շենքի մի քանի բնակարաններ վնասվել են, որոշները՝ ամբողջությամբ ավերվել։ Նախնական տեղեկությունների համաձայն՝ պայթյունից հետո հրդեհ չի բռնկվել։
Գործարկվել է «կարմիր պլան»՝ փրկարարների և հրշեջների համար մոբիլիզացիայի ամենաբարձր մակարդակը, բնակիչները տարհանվել են։
Պայթյունի պատճառը դեռևս անհայտ է. կասկածվում է գազի արտահոսք։