Հռոմում պայթեցրել են հայտնի հետաքննող լրագրողի մեքենան

Հռոմում պայթյուն է տեղի ունեցել, որի հետևանքով վնասվել են իտալացի հետաքննող լրագրող Սիգֆրիդո Ռանուչիի և նրա դստեր մեքենաները: Դեպքը տեղի է ունեցել հոկտեմբերի 16-ի ուշ երեկոյան Իտալիայի մայրաքաղաքի հարավում՝ Ռանուչիի տան մոտ: Վիրավորներ չկան։
«Իմ դուստրը պայթյունից կարճ ժամանակ առաջ անցնում էրայնտեղով. նա կարող էր մահանալ», - Ռանուչիի խոսքերն է մեջբերում Corriere della Sera-ն: Հրատարակության տվյալներով՝ պայթյունն այնքան հզոր է եղել, որ վնասել է ոչ միայն մեքենաները, այլև այն տունը, որի կոխքին մեքենաները կայանված են եղել: Ինքը՝ լրագրողը, նշել է, որ ռումբը տեղադրված է եղել մեքենայի տակ: