Մանրամասներ՝ Պուտինի և Օրբանի հեռախոսազրույցից

Ռուսաստանի նախագահ Վլադիմիր Պուտինը հեռախոսազրույց է ունեցել Հունգարիայի վարչապետ Վիկտոր Օրբանի հետ։ Կրեմլի մամուլի ծառայությունը հայտնում է, որ Ռուսաստանի նախագահ Վլադիմիր Պուտինի հետ հեռախոսազրույցի ժամանակ Հունգարիայի վարչապետ Վիկտոր Օրբանը պատրաստակամություն է հայտնել նպաստել Բուդապեշտում Ռուսաստան-ԱՄՆ հնարավոր գագաթնաժողովի կազմակերպմանը։
Նշվում է, որ Ռուսաստանի նախագահ Վլադիմիր Պուտինի և Հունգարիայի վարչապետի միջև հեռախոսազրույցը տեղի է ունեցել հունգարական կողմի նախաձեռնությամբ։
Կրեմլի մամուլի ծառայության փոխանցմամբ Ռուսաստանի նախագահ Վլադիմիր Պուտինը Հունգարիայի վարչապետ Վիկտոր Օրբանին ներկայացրել է ԱՄՆ նախագահ Դոնալդ Թրամփի հետ իր զրույցի հիմնական բովանդակությունը։
Ռուսաստանի նախագահ Վլադիմիր Պուտինի հետ բանակցություններից հետո Հունգարիայի վարչապետ Վիկտոր Օրբանը հայտարարել է, որ Հունգարիայում կայանալիք Ռուսաստան-ԱՄՆ գագաթնաժողովի նախապատրաստական աշխատանքները ընթանում են ամբողջ թափով։
Ավելի վաղ հոկտեմբերի 16-ի երեկոյան Թրամփը հեռախոսազրույց է ունեցել Ռուսաստանի նախագահ Վլադիմիր Պուտինի հետ։ Հեռախոսազրույցից հետո Պուտինը և Թրամփը համաձայնել են հանդիպել Բուդապեշտում։

ՌԴ նախագահի մամուլի քարտուղար Դմիտրի Պեսկովի խոսքով՝ գագաթնաժողովը հյուրընկալելու համար ընտրվել է Հունգարիան ելնելով Հունգարիայի ինքնիշխան դիրքորոշմամբ՝ չնայած Բուդապեշտի անդամակցությանը ՆԱՏՕ-ին և Եվրամիությանը։