«Մեզ չեն կարող վերածել փոշու»․ Տաթև Կարապետյան

Սամվել Կարապետյանի դուստրը՝ Տաթև Կարապետյանն ինսթագրամյան եթերում անդրադարձել է մեր երկրում շարունակվող ձերբակալություններին՝ նշելով․ «Երբ երկրում մարդկանց ձերբակալում են ոչ թե արարքների, այլ խոսքերի համար, դա այլևս առանձին վերցրած մեկ առանձին մարդու խնդիրը չէ։ Խնդիրն այլ է․ ինչպիսի՞ն է լինելու Հայաստանը՝ ազատ, թե՞ վախեցած․․․ Արդեն 121 օր է, ինչ իմ ընտանիքը կանգնած է ոչ միայն հարազատ մարդու կողքին, այլև՝ ՀՀ յուրաքանչյուր քաղաքացու իրավունքների ու արժեքների համար։ Իմ հայրը կալանքի տակ է այն խոսքերի համար, որ կանգնած է Եկեղեցու կողքին։ Մենք՝ բոլորս, կանգնած ենք և շարունակելու ենք կանգնել Եկեղեցու կողքին ու պաշտպանել մեր արժեքները։ Հայրս մեզ միշտ հիշեցնում է, եթե քարը մոռանա, թե որ լեռից է պոկվել, ապա այն վերածվում է փոշու։ Մեզ չեն կարող վերածել փոշու»։