«Եկեք վերջ տանք ապօրինություններին ու անարդարությանը»․ Արամ Վարդևանյան

Փաստաբան Արամ Վարդևանյանը կոչ է արել հոկտեմբերի 18-ին՝ ժամը 16։30-ին, Երևանի Ազատության հրապարակում մասնակցել Սամվել Կարապետյանի և մյուս կալանավորվածներին աջակցություն հայտնելու և նրանց ազատության համար նախաձեռնված հանրահավաքին։

«Վերջին 3-4 ամիսների ընթացքում ականատես ենք լինում իրավական ռեպրեսիվ մեքենայի իրացման, դրա գործարկման մի աննախադեպ ծավալի։ Մենք տեսնում ենք՝ ինչպես է կալանավորված բարերար Սամվել Կարապետյանը, մեր սրբազան հայրերը, և նրանցից յուրաքանչյուրի վերաբերյալ ոչ միայն իրավաբանները և փաստաբանները, այլ նաև հանրության մի ստվար զանգված արձանագրում, որ դրանք քաղաքական հետապնդումներ են, որ դրանք ապօրինի կալանավորումներ են։ Եվ ցավն այն է, որ այսօր դա կարծես դառնում է սովորական երևույթ։ Իսկ դրա դեմն առնելու, կանխարգելելու լավագույն միջոցը բողոքի ձայն բարձրացնելն է, համախմբված վերաբերմունք արտահայտելն ու որոշակի իմաստով հավաքական «ո՛չ» ասելն է ապօրինություններին։

Ցանկացած մեր հայրենակից, ով վաղը մասնակցելու է հավաքին, միանալու է այն գործընթացին, որը կոչվում է՝ եկեք վերջ տանք ապօրինություններին, եկեք վերջ տանք անարդարությանը»,- նշել է Վարդևանյանը։