«ՔԿ-ն պետք է պարզի՝ ով է կատարել ապօրինի գաղտնալսում, թեպետ գիտենք՝ ում հրահանգով է»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Հետաքրքիր մեխանիզմ է.
Ապօրինի գաղտնալսում ես ուզածդ մարդկանց, հավաքում ես կոմպրոմատ, իսկ հետո՝ քանի որ ապօրինի ճանապարհով ձեռք բերված ապացույցը անթույլատրելի ապացույցների շարքին է դասվում, ֆեյք էջով դնում ես համացանց, հետո քո կողմից վերահսկվող էջերով սկսում ես տարածել այնքան, որ հարուցվում է քրեական գործ։
Նյութի սկզբնաղբյուրը բնականաբար արանքից դուրս է գալիս։ Իսկ ես կարծում եմ, որ Քննչական կոմիտեն նախ պետք է պարզի, թե ով է կատարել ապօրինի գաղտնալսում և նաև էստեղ պատասխանատվության հարց պետք է առաջանա։
Թեպետ գիտենք Հայաստանում ով է գաղտնալսում բոլորին և ում հրահանգով»։