«Ակնհայտ ապօրինի ու կամայական հաշվեհարդար է»․ Միքայել Նահապետյան

Հասարակական, քաղաքական գործիչ Միքայել Նահապետյանի ֆեյսբուքյան գրառումը. «Ուզում եմ հասկանամ փաստաբան Կոչուբաևի գրածներից ո՞րն են համարել «տեղեկության հրապարակում».
«Վիժվածքներ»-ը, «Հոգին սատանային վաճառած»-ը, թե «Ոնց շատ տղա կայիք էտ ձև էլ մնացիք»-ը։ Եթե մի բան կա, որ չգիտենք՝ ասեք, բայց, եթե ոչ մի «տեղեկություն» եզրույթին համապատասխանղ բան չկա՝ ապա գործի էությունն ինչո՞ւմն է։
Քրեական օրենսգրքի էդ հոդվածը չի վերաբերում վիրավորանքին։ Էդ հոդվածը գրվել է, որ քաղաքական արձագանքի հնարավորությունից զերծ դատավորների դեմ չկարողանան օգտագործել օրինակ կոմպրոմատներ, անձնական կյանքի վերաբերյալ տեղեկություններ, կաշառքի մեղադրանքներ և այլ տեղեկություններ, որոնք կճնշեն դատավորին։ Բայց դա ոչ մի դեպքում չի վերաբերում սուր քննադատության կամ անգամ վիրավորանքի դեպքին։
Տեղի ունեցողը ակնհայտ ապօրինի ու կամայական հաշվեհարդար է։ Իսկ եթե ոչ՝ թող հրապարակեն թե նշվածներից որն է իրականում տեղեկություն»։