«Քրեական վարույթը նախաձեռնվում է դեպքի, փաստի առթիվ, ոչ թե անձի նկատմամբ»․ Կիմա Ավդալյան

774

Շաբաթ, 18 հոկտեմբերի, 2025 թ., 00:18

ՀՀ քննչական կոմիտեի մամուլի խոսնակ Կիմա Ավդալյանի ֆեjսբուքյան գրառումը․ «Ինչպես արդեն մեկնաբանել եմ՝ համացանցում տարածվող ձայնագրության վերաբերյալ ստացված հաղորդման առթիվ նախաձեռնվել է քրեական վարույթ:
Քրեական վարույթը նախաձեռնվում է դեպքի/փաստի առթիվ, ոչ թե ԱՆՁ-ի նկատմամբ:
Անձի վերաբերյալ Քրեական դատավարության օրենսգրքում կա «հանրային քրեական հետապնդում» ձևակերպումը:
Ֆեյսբուքյան հարթակում տարածվում է՝ շատ մեղմ ասած՝ անգրագիտություն:
Խնդրում եմ, պաշտոնական մեկնաբանությունը սոցցանցերում չվերափոխել մանիպուլատիվ բնույթ կրող տեղեկատվության»:

Աղբյուրը` Կիմա Ավդալյան