«Թող կանգ առնեն այնտեղ, որտեղ գտնվում են»․ Թրամփ

Զելենսկու հետ հանդիպումից հետո Թրամփը գրառում է կատարել․ «Ուկրաինայի նախագահ Վլադիմիր Զելենսկու հետ հանդիպումը շատ հետաքրքիր էր։ Բայց ես նրան ասացի, ինչպես նախկինում խորհուրդ էի տվել նախագահ Պուտինին, որ ժամանակն է դադարեցնել սպանությունները և կնքել գործարք։ Թող կանգ առնեն այնտեղ, որտեղ կանգնած են։ Թող երկուսն էլ հայտնեն հաղթանակի մասին, իսկ պատմությունը կդատի։ Այլևս ոչ մի կրակոց, ոչ մի մահ։ Այս պատերազմը երբեք չէր սկսվի, եթե ես նախագահ լինեի»,- մասնավորապես նշել է ԱՄՆ առաջնորդը։

Ավելի վաղ լրագրողների հետ զրույցում Զելենսկին ասել էր․ «Ուկրաինան չի կարող որևէ բան համաձայնեցնել Ռուսաստանի հետ, քանի դեռ կրակը չի դադարել։ Բանակցություններում ամենաբարդ հարցը տարածքների հարցն է։ Մեր դիրքորոշումն այն է, որ նախևառաջ հրադադար լինի, որպեսզի մենք կարողանանք խոսել և հասկանալ մեր դիրքորոշումները»։