«ԵՄ-ում Թրամփ-Պուտին հանդիպումը համարում են քաղաքական մղձավանջ»․ El Pais

Իսպանական El Pais թերթը՝ հղում անելով սեփական աղբյուրներին, գրում է, որ Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև Հունգարիայում կայանալիք երկկողմ բանակցությունները Եվրամիությունում (ԵՄ) անվանում են «քաղաքական մղձավանջ»։

Թերթի աղբյուրների համաձայն՝ Բուդապեշտում գագաթնաժողովը անցկացնելու որոշումը կարող է դիտվել որպես «Եվրոպայի նկատմամբ վիրավորանք»։ Նախատեսված հանդիպումը եվրոպական առաջնորդներին և ՆԱՏՕ-ին (որի անդամ է Հունգարիան) դնում է «անհարմար դրության մեջ», քանի որ ռազմական հակամարտությունը «քննարկվելու է ԵՄ երկրում, բայց առանց Միության մասնակցության», նշում է թերթը։