«Ի սկզբանե եկեղեցու նկատմամբ հետապնդումների ծրագիր է եղել, որին իրավապահ մարմիններ են ներգրավված եղել». Գոհար Մելոյան

«Այսօրվա դրությամբ ունենք արդեն 3-րդ ապօրինաբար ազատազրկված Սրբազան հայրը, ապօրինի խուզարկության է ենթարկվել մեր եկեղեցին, խուզարկության է ենթարկվել առաջնորդարանը, 2 օր առաջվա ձայնագրությունից էլ ակնհայտ է, որ հաջորդ թիրախը Վեհարանն է, որի բակում մենք հիմա գտնվում ենք»,- ասաց սահմանադրագետ Գոհար Մելոյանը:

«Ու ինչ էր այդ ձայնագրությունը՝ 2 օր առաջ կեղծ լրատվականով արտահոսք եղավ Նաթան Սրբազանի մասնակցությամբ ձայնագրությամբ: Առաջին հերթին պետք է կանխակալությամբ մոտենանք այդ ձայնագրությանը, որովհետև արդեն ունենք փաստ, որ Բագրատ Սրբազանի գործով ձայնագրությունը կեղծել էին: Տարբեր խոսակցություններից կտրված հատվածները միացվել էին իրար:

Անգամ եթե ճշգրիտ ձայագրություն լինի, այդ ձայնագրությունները կատարվել են գաղտնալսմամբ, այդ ձայնագրությունները տեղի են ունեցել «Սրբազան պայքար»-ից առաջ: Ի սկզբանե եկեղեցու նկատմամբ հատուկ հետապնդումների ծրագիր է եղել, որին իրավապահ մարմիններ են ներգրավված եղել»,- արձանագրեց նա: