«Սպիտակի ՔՊ-ական քաղաքապետ Քաջայր Նիկողոսյանն աքացիներով և սեռական բնույթի հայհոյանքով իր մոտից ճանապարհել է քարաձորցի Գագիկին». Արեգ Սավգուլյան

Աշխատանքի և սոցիալական հարցերի նախարարի նախկին խորհրդական Արեգ Սավգուլյանը ֆեյսբուքյան իր էջում գրել է. «#Սպիտակիբանդա Քաջայր Նիկողոսյանը Սպիտակի ՔՊ-ական քաղաքապետն է, ըստ Քարաձորի համայնքապետուհի ինքնահռչակ ՔՊ-ական Հրանուշ Ռոստոմյանի՝ շատ քաղաքակիրթ մարդ, գրեթե՝ ինտիլիգենտ։ Գուցե ինտրիգը հարմար պահի քաղաքացիներին գրագետ և ճշգրիտ անկյան տակ հարվածե՞լն է։
Ես նայեցի Քաջայրի կենսագրությունը և չտեսա այնտեղ, որ նա տիրապետում է արևելյան մարզաձևերից որևէ մեկին կամ փոքր ժամանակ հայաթի բոքսի կամ կարատեի խմբակ է այցելել։ Բայց դա չի խանգարել նրան աքացիներով և սեռական բնույթի հայհոյանքով իր մոտից ճանապարհել Քարաձորցի Գագիկին, իսկ դրանից մեկ տարի առաջ Քաջայրի քաջարի որդի Գոռը «դաստիարակչական ծեծ» է տալիս Սարամեջի համայնքապետուհու ամուսնուն, բնականաբար հոր ցուցումով։
Հ.Գ. Դանիել, որտե՞ղ ես, չե՞ս ուզում «գործ տալ», բայց այս պարագայում սա չենք դիտարկի այդ տիրույթում, այլ այն, որ դու իրոք շահագրգիռ ես երկրի խուլ համայնքներում ժողովրդավարության տարածման հարցում։ Լա՜վ, պարզ է, հիմա պրոֆիլդ փոխել ես, տեր հայր ես բռնում։ Ավելի շահավե՞տ է»։