Երկուշաբթի, 20 հոկտեմբերի, 2025 թ.
|
Ստեփանակերտում`   +18 °C

«Եթե խնդիրը չլուծվեց, մի օր այդ շենքերը փլվելու են»․ Տիգրան Ավինյան

«Եթե խնդիրը չլուծվեց, մի օր այդ շենքերը փլվելու են»․ Տիգրան Ավինյան
102
Այսօր, 10:18

Այսօր Երևանի քաղաքապետարանի գործակարգավարական խորհրդակցության ժամանակ կրկին անդրադարձ եղավ Արզումանյան 10 և 17 հասցեներում գտնվող վթարային շենքերի փոխարեն նոր շենքեր կառուցելու ծրագրին։
Հիշեցնենք՝ բնակիչներից ոմանք օտարման համար համաձայնություն չեն տվել, պայմանագրեր չեն կնքել՝ պահանջելով ծրագրով նախատեսված տարածքից ավելի տարածք։ Քաղաքապետարանը հայցեր է ներկայացրել դատարան՝ փորձելով այդկերպ լուծել խնդիրը։
«Երկուսն էլ 4-րդ կարգի վթարային շենքեր են։ 2022 թվականի սեպտեմբերից են սկսել այս գործընթացը և մենք հիմա դեռ շարունակում ենք քննարկել, որ որոշ մարդիկ, այնուամենայնիվ, չեն գիտակցում, որ ապրում են 4-րդ կարգի վթարային շենքում և որ այն կարող է փլուզվել»,- ասաց Ավինյանը՝ շեշտելով, որ քաղաքապետարանն ուղիղ պարտավորություն չունի։ «4-րդ կարգի վթարային շենքում յուրաքանչյուր բնակարան, հասարակական տարածք ունի զրո արժեք։ Քաղաքապետարանն առաջարկել էր ծրագիր, որ այդ շենքերի բնակիչները կվերաբնակեցվեն, այդտեղ նոր շենքեր կկառուցվեն և համապատասխանաբար կփոխհատուցենք բնակարաններով։ Զրո դրամը պետք է դառնար բնակարան։ Բոլոր այն մարդիկ, ովքեր խնդիր են ստեղծում, թող իրենց պատասխանատվության բաժինը գիտակցեն։ Եթե խնդիրը չլուծվեց, մի օր այդ շենքերը ուղղակի փլվելու են ու պատասխանատվությունը լինելու է նրանց վրա, ովքեր խոչընդոտում են ծրագրի իրականացմանը»,- ասաց Ավինյանը։

«Եթե խնդիրը չլուծվեց, մի օր այդ շենքերը փլվելու են»․ Տիգրան Ավինյան