«Պետք է օրենքը չխախտել»․ Անդրանիկ Քոչարյանը՝ Գյումրու քաղաքապետի ձերբակալության մասին

«Պետք է օրենքը չխախտել, մինչև կալանավորումը բազմաթիվ քրեական գործեր կային նույն քաղաքապետի և իր շրջապատի հետ առնչվող»,- լրագրողների հետ զրույցում ասաց ՔՊ-ական պատգամավոր Անդրանիկ Քոչարյանն՝ անդրադառնալով Գյումրու քաղաքապետի ձերբակալությանը։ «Փաշինյանի ելույթից հետո տեղի ունեցավ ձերբակալումը»,- նկատեց լրագրողը։ «Փաշինյանի ելույթը չի, որ ազդակ է հանդիսացել այս գործողություններին։ Վերջ ի վերջո Վարդան Ղուկասյանի մասին բազմաթիվ ռեպորտաժներ եք արել, և ես էլ, երբ երկու տարի ղեկավարել եմ աղետի գոտին, այնքա՜ն հարցերի հետ եմ առնչվել։ Բայց չեմ ուզում այդ մասին խոսել կամ անմեղության կանխավարկածի հետ կապված ինչ-որ տիրույթ մտնել...»,- ասաց Քոչարյանը: