«Լուվրի կողոպուտը կառավարության ձախողումն է»․ Ֆրանսիայի արդարադատության նախարար

Ֆրանսիայի արդարադատության նախարար և ՆԳ նախկին նախարար Ժերալ Դարմանենը Լուվրի կողոպուտը համարում է ֆրանսիական կառավարության ձախողումը։
«Ես հասկանում եմ, որ անհնար է ապահովել բոլոր տեղերի անվտանգությունը, բայց մեկ բան հստակ է՝ մենք ձախողվել ենք»,- ասել է նախարարը՝ France Inter ռադիոկայանի եթերում։
Ավելի վաղ Ֆրանսիայի նախագահ Էմանուել Մակրոնն արձագանքելով թանգարանի թալանին՝ խոստացել էր, որ գողացված իրերն անպայման վերադարձվելու են, իսկ մեղավորները կանգնելու են դատարանի առաջ։
Լուվրի կողոպուտը տեղի է ունեցել հոկտեմբերի 19-ին. հանցագործները Նապոլեոնի և նրա կնոջ հավաքածուից գողացել էին ինը ցուցանմուշ: